Li gor nûçeyek malpera Xendanê ku wê jî ji malpera Welatî Net (Beşê Erebî) veguhastiye, rêkxistina terorîstîya Dewleta Îslamîya Iraq – Şam`ê (DAIŞ), damezrandina rêxistinek nû bi navê Rêxistinek Wîlayeta Kurdistanê ragihandiye.

Li gor evê nûçeyê, welatiyên Kurd ên ku ji nawçe û beşên cuda yên Kurdistanê ve beriya niha berên xwe dabûn Sûriyê û tevlî refên rêxistina terorîst Dewleta Îslamî ya Iraq – Şam`ê (DAIŞ) bibûn û jib o wan şer dikrin, serpereştiya Rêxistina nû ya bi nave Rêkxistina Wîlayeta Kurdistanê dikin.

Rêkxistina tundrewên di bin banê rêxistina Dewleta Îslamîya Iraq – Şam`ê (DAIŞ)û komên terorîstîyên ser bi vê ku niha Rêxistuna Wîlayeta Kurdistanî damezrandiye, di teqînên li bajarên Rojavayê Kurdistanê û herwiha bajarên Silêmanî û Hewlêrê li Başûrê Kurdistanê dest hebûn. Ew rêkxistina terorîstî herwiha li Rojavayê Kurdistanê bi hêzên Kurdî re şer dike û hewla dagîrkirina xaka Rojavayê Kurdistanê bi mebesta damezrandina ´Îmareteke Îslamî´ dide.

Li gor zanyarîyên di evê nûçeyê de, baregeha Rêxistina Wîlayeta Kurdistanê ya DAIŞê li parêzgeha Neynewa (Mûsil) ye ku, grûpên terorîst ji wê derê rê dike bajarên Herêma Kurdistanê û deverên din. Herwiha komên terorîstîyên ser bi DAIŞê û komên dinên terorîstî li parêzgeha Mûsilê binke hene berdewam êrişê ser hêzên ewlehîyên hikûmeta Iraqê dikin.