Piştî derbasbûna 17rojan bi ser kuştina rojnamevan Kawe Germîyanî, Îro danê sibehî li nexweşxaneya dayikbûnê ya bajarê Kelarê zarokê wî bi tendirustîyeke baş ji dayik bû ku berê bavkê wî navê ´Amed´ jê re diyar kiriye.


Karwan Ehmed birayê rojnamevan Kawe Germîyanî îro di bêjedanekê de ji PNA re ragihand, ku îro li nexweşxaneya Şêre ya neqîb a li bajarê Kelar´ê, hevjîna Kawe Germîyanî, ´Şîrîn Emîn´ zaroka xwe anî dinyayê ku kure û tendirustîya wê û zarokê jî gelek başe.

Karwan Ehmed supasîya pêşwazîya germ a hevwelatîyan û rewşenbîran û rojnamevanan li wan û bûyera ji dayikbûna zarokê Kawe Germîyanî û Şîrîn Emîn a hevjîna wî kir û xweşhalîya xwe nîşan da.
Birayê rojnamevanê terorkirî Kawe Germîyanî herwiha got, ku Kawe Germîyanî pêş terorkirinê, li gel hevjîna xwe biryar dabû ku eger zarokê wan kur be, navê ´Amed´ jê re diyar bike.

Kawe Germîyanî roja 5/12/2013 li ber derîyê mala xwe li taxa Serkevtin a bajarê kelarê ji alîyê çend çekdarên nenaskirî ve hate terorkirin. Ev buyer jî dengvedaneke berfireh a navxweyî û cîhanî li pişt xwe anî û alîyên navxweyî û cîhanî li hember terorkirina rojnamevan Kawe germîyanî nerazîbûn nîşan dan.