Di teqîna ku duh piştî nîvro li nêzîk ofsîa têkiliyên Yekîneyên Parastina Gel ên girêdayî PYDê li bajarê Efrînê yê Rojavayê Kurdistanê de pêk hat, kesekî jiyana xwe ji dest da.

Peyamnêrê Rûdawê li Efrînê diyar kir ku teqîn li nêzîk rêbendek YPGê li rojhilatê bajêr rû daye û avahiya Iskan Eskerî ya berê ku niha YPGê bikar tîne, kire armanca xwe.

Peyamnêrê Rûdawê herwiha got ku piştî teqînê hêzên YPGê û asayişa PYDê cihê teqînê dorpêç kirin û nehiştin medyakar bûyerê ji nêz ve bişopînin.

Li gor zanyariyên ku peyamnêrê Rûdawê dane, di encama teqînê de herî kêm kesekî jiyana xwe ji dest daye û kesekî din jî birîndar bûye.

Şeva 22yê tebaxa borî, teqînekê li naverasta bajarê Efrînê rû dabû û di encamê de 4 kesan ji yek malbatê jiyana xwe ji dest dabûn.

Rudaw