Piştî ku îro danê sibehê şanda danûstandinê ya Partiya Demokrata Kurdistanê bo goftûgokirina li ser meseleya pêkanîna kabîneya nû serdana Partiya Zehmetkêşan a Kurdistanê kir, berya kêlîkekê gihêştin navenda mekteba siyasiya Partiya Sosyalîst a Demokrat a Kurdistanê.

Endamê mekteba siyasiya Partiya Sosyalîst, Ebdula Hacî Mehmud ji Xendanê re ragihand ku: Îro çarşeme pêş nîvro şana PDK bi serokayetiya cîgirê serokê PDK`ê Nêçîrvan Barzanî dê serdana wan bike.

Ebdula Hacî Mehmud got: Ew serdan dê li bajarê Hewlêrê pêk bê û têde sekreterê Partiya Sosyalîst Mehmedê Hacî Mehmud û endamên mekteba siyasî jî amade dibin.

Peyamnêrê Xendanê li bajarê Hewlêrê ragihand ku: Berya kêlîkekê şanda danûstandinê ya PDK gihîşte navneda mekteba siyasiya Partiya Sosyalîst a Demokrata Kurdistanê û ji aliyê sekreterê wê partiyê digel mekteba siyasî ve hatiye pêşwazî kirinê.

Pêştir jî şanda PDK bi serokayetiya Nêçîrvan Barzanî serdana YNK , Gorran , Yekgirtuya Îslamî , Komeleya Îslamî , Tevgera Îslamî û Partiya Komonîst a Kurdistanê jî kiribûn.

Li 21 îlona îsal hilbijartinên parlemana Kurdistanê hatin encamdan lê belê heya niha hikûmeta nû a Herêma Kurdistanê pêk nehatiye.

Xendan