Êvariya Duh sêşem 03.12.2013 birêz Mesûd Barzanî Serokê Herêma Kurdistanê beşdariya rêwresma roja salvegera nîştîmanî û çil û dû saliya damezrandina dewleta Îmarata Yekgirtiya Erebî kir ku ji aliyê Konsolxaneya Giştî ya Îmarata Yekgirtiya Erebî li Hotel Rotana ya Hewlêra paytext hatib rêkxistin.

Li vê rêwresmê de ku hejmareke zêdeyê dîplomat, mîhvanên biyanî, balyoz û konsolê welatan û her wiha hejmarek berpirsên hikûmî û hizbî yên Herêma Kurdistanê beşdar bûn, destpêkê de Raşîd Mihemed El Mensûrî Konsolê Giştî yê Îmarat peyvekî pêşkêş kir û bi xêrhatina Serok Barzanî û mîhvanan kir û bi kurtî behs li ser geşbûna peywendiyên siyasî û aboriyên di navbera Herêma Kurdistan û Îmarata Yekgirtiya Erebî kir.

Her wiha li vê rêwresmê de Felah Mistefa Berpirsê Fermangeha Peywendiyên Derveyê Herêma Kurdistanê bi navê Serok Barzanî û Hikûmet û gelê Kurdistanê li gotarek de pîrozbahiya vê salvegerê li Hikûmet û gelê Îmaratê kir û hêvî jî xwest peywendiyên di navbera her dû welatan zêdetir geşbûnê bi xwe ve bibîne.