Di meha mijdarê ya borî de, zêdetirî 900 kesî di encama êrşî û teqînan de li Iraqê hatine kuştin.

Li gor nûçeya ajansa AFP, di mijdarê de 948 kes hatine kuştin û piraniya wan hemwelatiyên sivîl in.

AFP diyar kir ku wê ew hejmara kuştiyan ji wezaretên Bergirî, Navxwe û Tenduristiyên yên Iraqê bi dest xistine.

Li gor amarên ku wê ajansê belav kirine, di nava kuştiyan de 852 sivîl. 53 polîs û 43 leşkerên iraqî hene.

Ev nêzîkî 7 mehane karên tundûtûjiyê li Iraqê zêde bûne û rojane bi dehan kes têne kuştin.

Îro jî kesekî xwekuj li bajarokê Miqdadiye li bakurê rojhailatê Bexdayê xwe teqand û di encam de herî kêm 10 kes hatine kuştin.

Li gor amarên Neteweyên Yekbûyî, di cotmehê de 979 kes li Iraqê hatine kuştin û 1902 kes jî birîndar bûbûn.

Rudaw