Wezîrê Derve yê Tirkiyê Ahmet Davutoglu ragihand ku wî li mitînga Amedê ji hunermendê navdar ê Kurd Şivan Perwer re gotiye, kengî ew bixwaze dikare hemwelatiya xwe bistîne.

Davutoglu li paytexta Amerîka Washingtonê de di kongreyeke rojnamevaniyê de ragihand“Ji ber siyasetên dûrkirin û sirgûnê ku li dijî Şivan Perwer û gelek hunermendên din hatibû meşandin, min lêborîn ji Şivan Perwer xwestiye”.

Ahmet Davutoglu got “Ez berê hunermend Şivan nas dikim û min jê re gotiye tu dikare hemwelatîbûna xwe bistînî û bibe wek min, ne kêm ne zêde, û bibe xwedî hemû mafan”.

Derbarê pêvajoya aştiyê de, Wezîrê Derve yê Tirkiyê da zanîn ku Tirkiyê dikare kêşeyên xwe bi xwe çareser bike û pêwîstî bi aliyeke sêyem nake.

Hunermend Şivan Perwer piştî 37 salan, di 16 mijdarê de li ser vexwendina Serokwezîrê Tirkiyê hevlatiya Serokê Herêma Kurdistanê Mesûd Barzanî kir û bihev re ne çûne bajarê Amedê yê Bakurê Kurdistanê.

Berî 37 salan û dema Şivan Perwer ji ber zulm û zordariya ku hikûmeta wê demê ya Tirkiyê li dijî Kurdan û hunermendên wan dikir, Şivan Perwer neçar bû berê xwe bide Almanya û ji wê demê de nasnameya hemwelatîbûnê ya Tirkiyê jê hat standin.

Rudaw