Nûrî Malikî serokwezîrê Iraqa federal di çarçoweya serdaneke fermî de îro çarşembe gihîjte Waşington a paytexta Wîlayetên Yekgirtîyên Amerîkayê. Serdana Malikî li ser daxawza Amerîkayê bûye û dê 2 rojan berdewam be. Mijara rêkevtina stratejîka navbera Bexdad-Waşington û kirîna çek, rûbirûbûna terorê û kirîza Surîyê serekîtirîn bernameyên dîdara Nûrî Malikî bo AMerîkayê ne.


Li gor jêderên nûçeyan, Nûrî Malikî serokwezîrê Iraqa federal îro çarşembe 30/10/2013 bi serokatîya şandeke berpirsên pile bilindên hikûmeta Iraqê gihîjte Amerîkayê. Biryar wiha ye ku Nûrî Malikî li gor bernameya evê serdana xwe, li gel berpirsên Amerîakyî û ji wan Josef Baydin cîgirê serok û Barak Obama serokê Amerîkayê dîdar bike.

Malikî pêş destpêkirina serdana xwe berev Amerîakyê li firokexaneya Bexdadê di konfranseke rojnamevanî de basa armanc û bernameya serdana xwe kir û ragihand, ku yek ji armancên serdana wî cîbicîkirina xalên rêkevtina stratejîka navbera Bexdad û Waşingtonê ye. Malikî herwis aragihand, ku pirsa rûbirûbûna bi terorîsmê re û rêke çareyên dawî anîna bi kirîza Surîyê mijarên dinên guftûgoyên wî û berpirsên Iraqî li gel berpirsên Amerîkayî ne.

Pêştir jî Meryem Rîs şêwirmenda siaysîya Nûrî Malikî ragihandibû, ku pirsa vedîtina rêke çareyek bo derbaskirina Iraqê ji kirîza ewlehî û herwisa kirîna çek, weke mijarên serekîyên dîdar û guftûgoyên Malikî û berpirsên Amerîkayî dibin.

Biryar wiha ye serdana Malikî bo AMerîka du rojan berdewam be û roja pêncşembe li gel Josef Baydin cîgirê serokê Amerîka dîdar bike û roja paştir li gel Barak Obama serokê Amerîkayê kom bibe.

Şêwirmenda Nûrî Malikî herwiha ragihandiye, ku di evê serdanê de Hûşyar Zêbarî wezîrê derveyê Iraqê, Seidûn Dilêmî wezîrê bergirîya Iraqê û çend parlemanter hevrêtîya serokwezîrê Iraqê dikin.