Nêçîrvan Barzanî û wezîrê enerjî yê Bosnayê civiyan
Duh li Hewlêrê Serokwezîrê hikûmeta Kurdistanê birêz Nêçîrvan Barzanî pêşwaziya wezîrê enerjî yê hikûmeta Bosnayê Erdal Tirholî kir û di civînê de her du alî amadebûna xwe bo bihêztir kirina peywendiyên abûrî û bazirganî yên di navbera Kurdistan û Bosna de diyar kirin.
Di beşeke din ya civîna han de Serokwezîrê Kurdistanê û wezîrê enerjî yê Bosnayê behsa xalên hevbeş yên di navbera gelê Kurd û gelê Bosnayê kirin û ragehand ku, her du welatên Kurdistan û Bosna di warê dîrokî de xwedan xalên hevbeşin û her du welat rastî şer û aloziyên curbicur hatine û piştî wan aloziyan karîne careke din rabin û dest bi prosesa awedan kirinê bikin.
Wezîrê enerjî yê hikûmeta Bosnayê behsa kar û çalakiyên kompaniyên Bosnî yên ku, di warê elektirîkê li Kurdistanê de kar dikin kir û ragehand ku, Bosna di warê elektirîkê de xwedan ezmûne û dikare xizmeteke baş pêşkêşî Kurdistanê bike.
Li hember de jî Serokwezîrê Kurdistanê kêfxweşiya xwe li hembe kar û çalakiyên wan kompaniyan diyar kir û ragehand ku kiwalîteya karên wan kompaniyan gelek başe lewre hikûmeta Kurdistanê jî her cure hevkarî û karasanî pêşkêşî wan kompaniyan dike.
Serokwezîrê Kurdistanê herwiha piştgîriya xwe ji bo vekirina nuneratiya Bosna li Kurdistanê diyar kir.
Di beşeke din ya vê civîna han de peywendiyên navbera Kurdistan û welatên cîran, rewşa deverê, peywendiyên Bosna yên bi cîranên xwe re hatin nîqaşkirin.
