Parlemanterekî fraksiyona Hevpeymanîya Kurdistanî di parlemana Iraqê de hoşdarî da alîyên dinên nava parlemana Iraqê û ragihand, ku heger di proje bûdceya sala 2014 de daxwaz û xwastekên Kurd bihên paşguhxistin, ewe Kurd evê projeya bûdceyê pesend nake.


Parlemanterê Iraqî yê ser bi fraksiyona Hevpeymanîya Kurdistanî Azad Zeynel di bêjedaneke taybetî de ji PNA re ragihand:´´ heta niha proje bûdceya sala ayinde nehatiye parlemana Iraqê û ji ber wê jî nikare qise li ser bihê kirin.´´

Azad Zeynel herwiha got:´´ di hemû haletan de heger daxwazên Kurd di evê proje bûdceyê de cêgîr nebin, em amade nînin weke Kurd deng bi projeyekê bidin ku di berjewendîya me de nîne.´´

Zeynel tekez jî kir ku wan pêştir di konfranseke rojnamevanî de daxwaîyên xwe aşkira kirine û niha jî ew tekezî li ser ewan daxwazên xwe dikin.

Kurd daxwaz dike ku bûdceya pêşmerge û pêdana pareyên kompanîyên neftî yên bîyanî û çend daxwazên din di proje qanûna bûdceya sala 2014 a Iraqê de bihên cêgîrkirin.