Komîteya derxistina rastiyan raporta xwe eşkere kir
Di vê derbarê de îro komîteya amdekar ya kongreya netewî ya Kurd ragehand ku, komîteya derxistina rastiyan raporta xwe eşkere kiriye û di vê raporta han de 12 xalên sereke hene û di dawiya raportê de jî komîteya navhatî 3 pêniyar pêşkêşî komîteya amadekar û aliyên têkeldar yên Kurdistanê kiriye.
Li gorî daxuyaniya komîteya amadekar ya kongreya netewî hinek ji xalên girîng yên ku, ji aliyê komîteya derxistina rastiyan ve hatine pêşkêş kirin ewin
1- tevahiya part û aliyên siyasî û xelk daxwaza cîhbicîh kirina peymannameya Hewlêrê dikin.
2- daxwaz tê kirin daku bilez şer li deverên Kurdî were rawestandin û dibe tevahiya aliyan di biryardayînê de beşdar bin û nabe aliyek bi tenê biryar bide.
3- daxwaza damezrandina hêzeke leşkerî ya hevbeş a Kurdî tê kirin.
4- daxwaza şanedina bilez ya dermanan ji bo Rojavayê Kurdistanê tê kirin.
5- daxwaz tê kirin ku, deriya Sêmlka were wekirin û karûbarên bazirganî li wê deriya han werin birêvebirin û ji aliyê din yê sînorê ve jî tîmên pêkhatî ji nunerên tevahiya aliyên kontrola hatûçuya bazirganî ya deriyê bikin.
6- hewl were dayîn daku, pêşiya koç kirina Kurdan ji Rojavayê Kurdistanê were girtin.
7- daxwaz tê kirin ku, navendên part û aliyên siyasî ji bo Rojavayê Kurdistanê werin wegerandin.
8- daxwaza rawestandina şerê ragehandinê ya aliyên Kurdî tê kirin.
9- kempek di nava Rojavayê Kurdistanê de were amadekirin daku, eger xelk neçar ma deverên xwe bicîh bihêle were li wê kempa han bicîh bibe û hewl bo wegerandina penaberên Rojavayê ji Başûrê Kurdistanê were dayîn.
10- daxwaz tê kirin ku, rêz ji azadiya raman û karên rojnamewanî were girtin.
11- daxwaz tê kirin daku, xelkê Bakûrê Kurdistanê zextan li Tirkiyeyê bike daku, sînorên xwe yên bi Rojavayê re vebike.
12- daxwaz tê kirin ku, di warê çek û cebelxaneyan de hevkariya YPGê were kirin.
