Birêz Hesen Rûhanî Serok Komarê hilbijartiyê Komarê Îslamî ya Îranê li hember peyama pîrozbahiya Serok Barzanî peyamekî pêşkêşî Serok Barzanî kir ku eve jî naveroka wê ye:

Birêz Mesûd Barzanî
Serokê Herêma Kurdistanê

Bi xweşhalî û pêzanînê ve peyama pîrozbahiya cenabê we ya ji bo helkefta hilbijartina min a wekî Serokê Komarê Îslamî ya Îranê gihîşt min. Pêşxistina peywendiya li gel welatên cîran ya li ser bingeha cîrantî û rêzgirtin û berjewendiya hevbeş, li ewlewiyetên siyaseta derekî ya kabîneya min dibê û bi tevahî ji wê yekê jî bawerim ku li salên pêş de geşbûna hemû aliyê peywendiyên Komara Îslamî ya Îran û Herêma Kurdistana Iraqê dibînîn. Bi derfet dizanim hêviya tendirustî û serkeftinê ji bo we bixwazim.

Hesen Rûhanî
Serok Komarê hilbijartî

Hêjayî gotinêye birêz Mesûd Barzanî Serokê Herêma Kurdistanê li 16.06.2013 bi helkefta serketina li hilbijartina Serokayetiyê de peyamekî pîrozbahiyê pêşkêşî birêz Hesen Rûhanî Serok Komarê hilbijartiyê Komara Îslamî ya Îranê kir ku eve naveroka wî ye:

Bi navê xwedayê mezin û dilovan

Birêz Dr Hesen Rûhanî Serokê hilbijartiyê Komara Îslamî ya Îranê

Silavên xwedê li we be

Bi helkefta hilbijartina cenabê we wekî heftemîn Serok Komarê Îslamî ya Îranê germtirîn pîrozbahiyên xwe û gelê Herêma Kurdistanê bi we radigihînim. Hêvîdarim eve derfetek bê ji bo wê yekê ku Hikûmet û gelê mezinê Îranê pêşketinên zêdetir mîsoger bikin û bingehên aştî û pêkve jiyan û peywendiya dostaneya di navbera gelên navçeyê bi hêztir bibe. Hêvîdarîn dema Serokayetiya cenabê we bibe sedema berev pêşbirina zêdetirê wan peywendiyên siyasî û aborî û çandiyên ku li navbera me her dû aliyan de heye.

Ji bo we hêviya serkeftinê dixwazim

Mesûd Barzanî
Serokê Herêma Kurdistanê
16.06.2013