Piştî 3ê rojan ji îmzekirina rêkeftina di navbera tabûrên çekdar û Yekîneyên Parastina Gel (YPG) yên girêdayî PYDê, biryar e îro xala dawî ya vê rêkeftinê were bicihanîn.

Siyasetmedarê kurd, Mûsa Kino ji Kobanê ji Rûdawê ragihand ku biryar e îro xala kontrolê ya Rodko were jinavbirin ku xala yaw ê rêkeftinê ye.

Kino wiha got: “Li gor rêkeftinê divê hêzên YPGê ji vê xala kontrolê vekişin gundên kurdan ên herî nêzîk û ew xala kontrolê vala bimîne.”

Musa Kino tekez kir ku şer û pevçûn li navçeya Kobanê bi giştî rawestiyane û xelk vegeriyane gundên xwe.

Beriya 3ê rojan, rêkeftinek li devera Kobanê di navbera tabûrên çekdar û Yekîneyên Parastina Gel de ji bo rawestandina şer û aramkirina rewşa deverê hatibû îmzekirin.

Rudaw