Serokê Herêma Kurdistanê pêşwaziya Konsolê Îtalya li Herêma Kurdistanê kir
Li hevdîtinê de Konsolê Îtalya ji bo rexsandina vê hevdîtinê spas û xweşhaliya xwe bi Serok Barzanî ragihand û Serok Barzanî ji wan kar û çalakiyan agahdar kir ku li van çend heftiyên derbasbûyî de li Herêma Kurdistanê encam daye û eve jî xiste rû ku kompanyayên Îtaliyan li Herêma Kurdistanê de mijulî komek projene bi taybetî li warê rewşenbîrî û tendirustî û kertê şûnewariyê de. Her wiha Karmêlo Fîkara Konsolê Îtalya rewşa emnî û aborî û siyasiya Herêma Kurdistanê bi guncav zanî ji bo wê yekê kompanyayên Îtaliyan bêhtir han bidin ku ji bo veberhênanê serî li Herêma Kurdistanê bidin û amadehiya welatê xwe jî ji bo pêşxistina peywendiyên li gel Herêma Kurdistanê li hemû waran de derbirî û her wiha asta nûnerayetiya Îtalya ya li Herêma Kurdistanê ji nivîsîngehê bilind bikin û bikin Konsolxane.
Ji aliyê xwe ve Serok Barzanî ji bilî bi xêrhatina Konsolê Îtalya pêşwaziya pêşxistina peywendiyên di navbera Herêma Kurdistanê û welatê Îtalya kir û amadehiya Hikûmet û gelê Kurdistanê jî ragihand ku hevkarî û pêşxistina peywendiyên di navbera her dû aliyan bikin. Pêvajoya Rojavayê Kurdistanê û pirsa penaberên Kurdên Rojava beşekî dinê hevdîtinê bû û têda Serok Barzanî ji bilî balkişandina li ser kêmterxemiya civaka navdewletî li hember penaberên Kurdê Rojava got:"Xizmetkirina xuşk û birayên me yên li Rojavayê Kurdistanê erkekî neteweyî û însaniye û Herêma Kurdistanê bi welatî û hikûmetê ve amadene bi hemû şiyanek ve alîkariya wan bikin. Di derbarê pêvajoya Sûriye jî Serok Barzanî balkişand li ser wê yekê ku berjewendiya berteskê aliyan û dest tê kirina herêmî û kuştin û birîna li wî welatî rewşê gelek aloz kiriye û paşarojeke nediyar li pêşiya wî ye.
Axaftina di derbarê pêvajoya navxweya Herêmê û Kongreya Neteweyî ya Kurd û peywendiyên di navbera Herêma Kurdistanê û Iraqa Federal mijareke dinê vê hevdîtinê bû.
