li Hewlêrê Serokê dîwana Serokatiya Kurdistanê Dr. Fuad Husên pêşwaziya heyeteke Senatorên Amerîkayî bi Serokatiya endamê komîteya peywendiyên derve yên Senatoya Amerîkayê kir.

Di hevdîtineke de ku, berpirsê peywendiyên derve yên hikûmeta Kurdistanê, Cîgirê Konsolosê Amerîkayê yê li Bexda û Konsolosê vê welatî yê li Hewlêrê jî têde beşdarbûn, Fuad Husên silavên Serok Barzanî pêşkêşî heyeta mêwan kir û balkêşande ser girîngiya berdewam kirina siyaseta Amerîkayê a li hember Îraqê û ragehand ku, piştgîrî kirina Amerîkayê ji Îraqeke demokratîk û federal gelek girînge.

Her di vê civîna han de Serokê heyeta mêwan jî diyar kir ku, gelek kêfxweşe ku, kariye di çarçoweya serdana xwe ya bo Rojhilata Navîn û Îraqê de serdana Kurdistanê bike.

Di beşeke din ya vê civîna han de Husên rewşa siyasî, ewlekarî û rewşa giştî ya Îraqê ji heyeta mêwan re rave kir û ragehand ku, hikûmeta Kurdistanê di warê sepandina demokrasî li Îraqê de roleke gelek girîng û erênî lîstiye.

Çavkanî herwiha eşkere kir ku, hikûmet û Serokatiya Kurdistanê bo çareser kirina kêşe û qirîza heyî ya li Îraqê de jî gelek hewl dane daku, ev kêşe û qirîzên han bi rêyên aştiyane û diyalogê werin çareserkirin.