Şanda kongreya neteweyîya Kurd ya ji bo lêkolînkirin derbarê dengoya komkujîya Kurd û aşkirakirina rastîyan li Rojavayê Kurdistanê ku îro berev Rojavayê Kurdistanê ve çû, bi egerê rêge nedana PYD nekarî evê serdana xwe bo Rojavayê Kurdistanê pêk bihîne û vegerîyane başûrê Kurdistanê.


Li gor nûçeya kanala televiziyonîya Rûdawê, piştî ku li ser daxawza Mesûd Barzanî serokê herêma Kurdistanê bo encamdana lêkolînê derbarê dengoya komkujîya Kurdan ji alîyê terorîstan ve li Rojavayê Kurdistanê, pêr şev komîteya amadekara kongreya neteweyîya Kurd li Hewlêrê kom bû û komîteyeke lêkolînê bo Rojavayê Kurdistanê pêk anî, îro şanda evê komîteya lêkolînê berev Rojavayê Kurdistanê ve birêkevt, lê li sînorê Sêmalka (Pêşxabûr) ya navbera herêma Başûrê Kurdistanê û Rojavayê Kurdistanê rastî rêgirîkirina partîya yekîtîya demokratîk PYD hat û nekarî evê serdanê pêk bihîne.

Pêr şev demjimêr 21:30 komîteya amadekara kongreya neteweyîya Kurd li hawînewara Selahedîn a Hewlêrê kom bû û heta demjimêr 00:30 berdewam bû û tê de guftûgo li ser daxwaza Mesûd Barzanî serokê herêma Kurdistanê ya ji bo pêkanîna komîteyeka lêkolînê bo Rojavayê Kurdistanê bo derxistina rastîya dengoya komkujîya Kurdan ji alîyê terorîstan ve kir û di encam de komîteyeke lêkolînê bi beşdarîya nûnerên her 4 parçeyên Kurdistanê hate avakirin.