Duh Serokwezîrê Îraqê û berpirsê hêzên ewlekarî yên Îraqê Nûrî Malikî fermanek daye hêzên ewlekarî yên li Enbar, Cizîre û Neynewayê de daku, li devera Cizîre li dijî hêzên çekdar dest bi operasiyoneke berfire bikin.

Li gor çavkaniyên nêzî Serokwezîrê Îraqê, Malikî daxwaz ji fermadariya wan hêzan kiriye daku, li devera Cizîreyê de operasiyoneke berfire li dar bixin û navend û biryargehên terorîstan hilweşînin.

Hêjayê gotinê ye ku, Serokwezîrê Îraqê piştî teqînên çend rojên bohrî yên li deverên curbicur ên Îraqê de ev fermana han der kiriye.