Di çarçoweya civîn û xwepêşandanên şermezar kirina êrîş û komkujiyên ku, li Rojawayê Kurdistanê de li ser gelê Kurd tên sepandin, duh civata bilind ya jinên Kurdistanê ragehand ku, bi tundî ev êrîş û komkujiyên han şermezar dike û hevdem daxwaz ji civata cîhanî û navendên biryardayînê dikin daku, bilez pêşiya wan êrîş û komkujiyan bigirin.

Civata bilind ya jinên Kurdistanê herwiha daxwaz ji aliyên peywendîdar yên herêmî û cîhanî kiriye ku, dibe bilez pêşiya rêjandina xwîna welatiyên medenî li Sûriyayê were girtin.

Civata han daxwaz ji part û aliyên siyasî yên Kurdistanê jî kiriye daku, li hember ev êrîşên han bibin yek û gelê Kurd biparêzin.