Birêveberê nahîyeya Seidîye ya ser bi parêzgeha Dîyala ve rexne li parlemana Iraqê digre ku li hember giriftên evê deverê kêmxeme. Ehmed Zergoşî ji kanlaa Alsomariya re ragihandiye, ku maweya çend salane ku xêzanên Kurd ên Seidîye rûbirûyê jinavbirinê û derkirina zordarî dibin û di çend hefteyên dawî de ew kirdar zêde bûne, lê parlemanê xwe lê bêdeng kiriye.


Ehmed Zergoşî birêveberê nahîyeya Seidîye ku devereke Kurdistanî ye û niha li gor qanûnê hêşta li derveyê îdareya hikûmeta herêma Kurdistanê ye, di bêjedanekê de rexne li parlemana Iraqê girtiye û sebaret bi çawayîya reftara parlemanê ligel pêkhateyên Diyalayê, parleman bi du rû bi nav kiriye û gotiye:´´ kurd pêkhateyeke jibîrkirî ye û ti giringîyek pê nehatiye dan ji alîyê parlemanê ve.´´ Zergoşî amaje bi ewê çendê jî kiriye ku parlemana Iraqê demlidest komîteyek pêk anî bo çareserkirina qeyrana Miqdadîye, lê komîteyek neşand bo Seidîyeyê bo çareserkirina arîşeyên wê.

Zergoşî herwisa tekez kiriye, ku nahîyeya Seidîye rûbirûyê pilaneke tirsnak dibe û demografîya wê li dijî pêkhateya Kurd dihête guherandin.