Wezîrê Dad û Koçberên Holenda serdana Herêma Kurdistanê kir û li gel cêgirê serokê Hukûmeta Herêma Kurdistanê çaweniya pêşxistina peywendiyên siyasî û vekirina nivîsîngeha nûnerayetiya Holenda gotûbêj kirin û di heman demê de, behsa serdana çaverênekirî ya wezîrî dervey Holenda bo Herêma Kurdistanê hat kirin.

Îro Îmad Ehmed cêgirê serokê hukûmeta Herêma Kurdistanê li avahiya encûmena wezîran pêşwazî li Firîdirîk Pêvîn û wezîrê dad û koçberên Holenda û Harî Molînar balyozê Holenda li Iraq û wefdekî pêre kir.

Di vê dîdarê de behsa pêwîstiya dirûstkirin û geşepêdana peywendiyên siyasî û abûrî navbera her dû aliyan de, cêgirê serokê hukûmetê xweşhaliya xwe bo serdanê da zanîn û amaje bi wê yekê kir kû Kurdistan xwaziyare peywendiyan li gel cîhana dere li ser bingehên berjewendiyên havbeş ava bike, wekî din behsa hat kirin ikû herêma Kurdistan û Iraq bi giştî li despêka avabûna xwe dene, niha bo damezrandina ezûma demokrasiyê di despêka xwe de dijî, di vê derbarê de welatê Holenda dikare rola berçav bibîne û hukûmeta Herêmê amadeya bo karê havbeş.

Her di vê dîdarê de, hat ragihandin kû: bo hemahengiya ziyatir û xwertkirina peywendiyên di navbera her dû aliyan de, me biryar da kû nûnerayetiya xwe li Herêma Kurdistanê vekin, û di van demên nêzîk de, wezîrê derveyê Holenda serdana Herêma Kurdistanê dike, dakû çarçoveyeke baş bo kar û çalakiyên welatê Holenda li gel Herêmê darêjin.


Ji aliyê xwe ve cêgirê serokê hukûmetê xweşhaliya xwe anî ziman bo vê gave û tekez kir kû, herêma Kurdistanê deriyekî vekiriye û amadehiya hukûmeta Herêma Kurdistanê jî nîşan da bo hemû cûrekî hesankarî li gel nûnerê û konsulxane û kompaniyên biwarên avadanî û weberhênanê de yên kû dê bêne herêma Kurdistanê, wekî din bi fermî bangewaziya wezîrê derveyê Holenda hat kirin kû serdana Herêmê bike.